هل ننسى عملنا الحقيقى ويبقى كل تركيزنا فى لقب دكتور ولا اخصائى

بجد اتمنى من كل الزملاء التركيز فى عملنا الاول قبل ما نبحث عن لقب لان اللقب ليس بحكم محكمه او باعتراف من نقيب الاطباء بنا لقبنا يجىء الينا بسهوله وبدون طلب من كل مريض نكون سبب فى شفائه ومن كل طبيب يعرف مدى تفوقنا ومدى اتقاننا لعلمنا
بجد المشكله مش مشكله لقب
انا باعمل بالمهنه لمده 5 سنوات
وقابلت كتير من الناس المثقفين الذين يعرفون ما هو العلاج الطبيعى وايضا قلبلت كثير ممن يجهلون ما هو العلاج الطبيعى ولا ارد على احد الا بعملى واتقانى له وعملى فقط هو من يرغمهم على احترامى ومناداتى بلقب دكتور
امبارح كنت فى العياده وجاءت لى مريضه تشتكى ان طبيب العظام طلب منها تعمل جلسات علاج طبيعى وعندما ذهبت لدكتور العلاج الطبيعى كتب لها ادويه وقالها تعالى ليا بعد اسبوع اعملك الجلسات نفسى افهم طيب ما هيا راحت لدكتور عظام بتثق فيه ودور العلاج الطبيعى هوة الجلسات يبقى كتبلها علاج تانى ليه ورفض يعملها جلسات
هوة ده شغلنا يا زملائى الاعزاء اننا نكتب ادويه للمرضى ونرفض نعملهم جلسات الا لما ياخدو العلاج اللى كتبناه ليهم
ليه سايبين شغلنا ومركزين فى شغل غيرنا
عايزين نفوق احنا الاول وبعد كده نطلب من اللى حوالينا يفوقو وصدقونى غصب عنهم هيفوقو بس مش من صوتنا العالى لا
من شغلنا وتفوقنا فيه

اولا برحب بيكي يا دكتورة امل نورتينا بجد في المنتدي

انا عايز اقول لحضرتك ان احنا مش كل اللي يهمنا اللي اللقب زي منتي عارفة بس لما نقيب الاطباء يطلع يقول دول مش دكاترة دول فنيين والناس طبعا مفكرين ان هو النقيب بتاعنا يعني المتحدث الرسمي عننا بيصدقوه وميعرفوش اننا مهنة طبية مستقلة ليها نقيب ونقابة مستقلين وليها قانون مزاولة مهنة وده كله فحقنا اننا نوعي الناس ونعرفهم اننا دكاترة مش بمجرد عملنا لازم بالعمل ده اولا وبالقوانين والحقوق ثانيا لان عندك واحد زي حمدي السيد ده ممكن يقلب الكدب حق ..هتفرق كتير طبعا لما العيان يدخلك وهو عارف انك دكتورة او يدخل وهو عارف انك حاجة تانية .. العيان يدخلك عارف انك دكتورة وبشغلك يعرف انك دكتورة شاطرة .. انما يدخلك فاكر انك مش دكتورة وبعدين يعرف انك دكتورة بشغلك مفيش حاجة اسمها كده.
وتاني حاجة برضو من حقك تكتبي علي عيادتك دكتورة فلانة وفي كارنية النقابة يتكتبلك دكتورة فلانة وفي اي ورقة تكتبيها تكتبي دكتورة فلانة .. ده حقك مش موضوع لقب هتدندهي بيه..

وبعدين الموضوع مش دكتور ولا اخصائي لان دكتور مش بتعني طبيب بشري دكتور تعنيواخصائي(طبيب متخصص سواء بشري او اسنان او علاج طبيعي) وصيدلي عرفا اما قانونا فدكتور تعني شخص حاصل علي الدكتوراة .

بس الست اللي راحت لدكتور علاج طبيعي دي اكيد هو دكتور روماتيزم ومفهمها انه دكتور علاج طبيعي زي ما بعضهم بيعمل وبيشتغلوا في العلاج الطبيعي .. اللي بيعمل كده هما دكاترة الروماتيزم.

الخطوه الاولى هو ما قاله الدكتور احمد يليه كلام الدكتوره امل فتعريف الناس بذاتنا هو هدفنا الاول ونؤكده بشغلنا وبعلمنا
وان شاء الله ستبقى هذه المهنه عاليه فى سماء التخصصات الطبيه

» كل شيء عن طبيب العلاج الطبيعي
» شهاب: الاستجابة لطلبات أخصائيي العلاج الطبيعي بما لا يتعارض والقانون
» حوار المساء مع دكتور حسين مشعل امين عام النقابة