مستشفيات القاهرة لسنة تالته

الموضوع دة لسنة تالتة ان شاء الله انا حبيت اني اطلع الموضوع ده هنة لان تالتة فيهة 3 اقسام و ممكن اي حد ميبئاش عارف حيلائي الي هوة عيزو فين فأنا جمعتلكوه عناوين المستشفيات من زميلنة الي كانوه كتبينوه في الدفعة التالتة و يا رب اكون افدتوكوه بحاجة


المستشفيات




مستشفي باب الشعرية

الافضل والاسهل بكل المقاييس المترو
ينزلوا محطة العتبة وهناك يسئلوا علي ميكروبصات بتروح باب الشعرية كتير اوي موجود منها هناك يعني ميقلقوش

او ينزلوا محطة غمرة ومجرد انهم يخرجوا بس هيلاقوا ميكروباصات او اتوبيسات رايحة باب الشعرية

مستشفى بولاق العام

هي قريبه من مدينة الطالبات اللي هي عند مكتب التنسيق

الافضل انكو تركبو مترو و تنزلو محطة جامعة القاهره

بس متنزلوش من الناحيه اللي بتودي على الجامعه

لا تنزلوا الناحيه التايه اللي قصادها يعني تنزلوا شمال

و اسالو اي حد عايزين مستشفى بولاق العام

مستشفى المطرية

اما المترو الجديد محطة المظلات وتركب عربية المطرية وتنزل الاخر
او المترو القديم محطة حلمية الزيتون وتركب ميكروباص دقيقتين من امام المحطة وقله مستشفى المطرية
او
فيه محطة مترو يا جماعة اسمها المطرية

ممكن تركبوا المترو خط المرج هي في اخره

او لو هاتركبوا من الجيزة يبقوا تنزلوا مبارك او سادات وتغيروا اتجاه المرج

مستشفى احمد ماهر

يا اما تركب المترو خط حلوان المرج وتنزل محطة محمد نجيب ..ومن هناك بتاخد مكروباس او تاكسي رايح احمد ماهر او لو كان في وقت ممكن تتمشي حول سور قصر عابدين ((دا لو كان في وقت ))

مستشفى ام المصريين
مترو
ركبت اتجاه الجيزه ...اللى هو اتجاه كليتنا ..ونزلت محطه ضواحى الجيزه.....هتلاقى اسم المحطه لما تنزليها ام المصريين ....وبعدين تخرجى من الباب اللى مكتوب على اتجاهه ام المصريين ....تطلعى تلاقى المستشفى ادامك على طول ....سهله على فكره مش صعبه .....
او
ميكروباسات...بتركب جيزة ...و بينزلك الميدان..وبعدان في مكروباساتا المنيب تحت الكوبري...قوليلو المستشفي بس كده

مستشفى فلسطيني

المستشفى دى بعيدة شوية بس متقلقوش ان شاء الله سهل نروحها هى موجودة فى مصر الجديدة يعنى مستشفى بنت ناس شوية هى تعتبر دار مسنين علشان كده المفروض ان احنا نعامل الناس اللى هناك معاملة خاصة وهتكلم على الموضوع ده بعدين اوكى


نتكلم دلوقت فى المهم احنا هنركب اتوبيس 990 ودى بيطلع من موقف الاتوبيسات فى الجيزة كل نصف ساعة واحد بس لازم نركب بدرى علشان المستشفى بعيدة يعنى مثلا الساعة7 اوكى

احنا طبعا هنقول للسواق احنا عايزين نروح مستشفى مصر الجديدة وهو هينزلنا فى اقرب محطة ليها علشان نمشى حتة صغيرة ونوصلها هى مستشفى جميلة وكمان فيها ناس من فلسطين بيتعالجوا هناك هتستمتعوا والله بازن الله


هداية بركات

المستشفى دى اوبمعنى ادق هى دار مسنين موجودة فى الدقى كلنا طبعا عارفين شعبان بتاع الملابس اللى قصاد مترو البحوث على نفس الناحية بتاعته هنلاقى ابو زكرى بتاع السوبر ماركت هنمشى فى شارع ابو زكرى على طول للاخر وهنسال عن المستشفى ان شاء الله هنلاقيها بس منقلقش هنمشى كتير شوية بس اكيد يا جماعة لازم نسال واحنا ماشين علشان منتهش


الاقسام المختلفة

يعنى مثلا قسم 5 وقسم 31و 24 وكمان العناية المركزة كل الحاجات دى فى القصر العينى كلنا طبعا نعرفة احنا هروح وهندخل من باب اسنان هو اقرب للاقسام وبعدين على ايدنا الشمال واحنا داخلين هنلاقى مدرج ملناش علاقة بيه احنا هنبص على اللى قصاد المدرج فى مبنى كده قدامه اتنين واقفين طبعا واحنا معانا البا لطو محدش هيقولنا انتوا رايحين فين هندخل ونسال عن القسم بتاعنا ونشوفه فى اى دور وبعدين هنطلع ونسال عن مكان السكاشن وبس كده هتشربوا بقى ههههههههههههههه وربنا معاكوا


مستشفى الباطنة

ودى المقصود بيها القصر العينى الفرنساوى طبعا كلنا نعرفة ده قصاد القصر العينى اللى احنا نعرفه وقريب جدا منه طبعا هندخل ونسال عن قسم الباطنه ونتعامل مع الموقف اوكى

مستشفى المطرية

دى بقى فى المطرية هنروح ازاى هنركب المترو الجديد عارفينه طبعا وهننزل محطة المظلات اللى احنا بتركب منها لعبود طبعا كلنا نعرفها بس المرة دى هنركب من موقف المظلات عربيات المطرية وهننزل فى اخر الخط تقريبا هننزل فى الشارع اللى قصاد المستشفى وبعدين هنمشى حتة صغيرة ونوصل بازن الله


مستشفى صدر العباسية

دى موجوده فى العباسية طبعا هنركب بردوا اتوبيس 990 بس مش بدرى قوى المستشفى مش بعيدة وهنقول للسواق عايزين ننزل عند مستشفى صدر العباسية هى فى مكان مرتفع كده عن الاماكن اللى جانبه وربنا معاكم

مستشفى ام المصريين

دى بقى اقرب مستشفى على الطلاق دى بينها وبين الكلية ربع ساعة على الاكثر احنا هنركب المترو اتجاه الجيزة وهننزل محطة ام المصريين ( ضواحى الجيزة ) هنلاقى المستشفى قدامنا بس هنعدى طريق عربيات علشان نوصل بس خلى بلكم يا دكاترة من العربيات احنا خايفين عليكم وربنا معاكم يارب

تقريبا دى كل المستشفيات يارب اكون فيدتكم

منقوووووووووووووووووووووووووووووووووووووول